«Կրեմլյան զեկույցում» ընդգրկված ռուսաստանցի գործարարները 1 օրում 1,1 միլիարդ դոլար են կորցրել

Ռուսական РБК-ն հաշվարկել է` ինչպես է մեկ օրվա ընթացքում փոխվել ԱՄՆ ֆինանսների նախարարության «կրեմլյան զեկույցում» ներառված մոտ հարյուր ռուսաստանցի միլիարդատերերի կարողությունը: Հիմք են ծառայել Forbes օնլայն վարկանիշային ցուցակի տվյալները:

Ըստ կայքի` զեկույցի հրապարակումից հետո գործարարների ընդհանուր կարողությունը Մոսկվայի ժամանակով ժամը 21:00-ի դրությամբ նվազել է 1,06 միլիարդ դոլարով:

Այսպես` ամենաշատը նվազել են Վագիթ Ալեքպերովի, Վլադիմիր Լիսինի, Սուլեյման Քերիմովի ակտիվները՝ համապատասխանաբար` 226 միլիոն, 205 միլիոն և 102 միլիոն դոլարով:

«Կրեմլյան զեկույցը» հրապարակվել է ԱՄՆ-ի կողմից հունվարի 30-ին: