ՃՏՊ-ի մասին լուրի պատճառով Իլոն Մասկը 5 միլիարդ դոլար է կորցրել

SpaceX-ի եւ Tesla-ի ղեկավար Իլոն Մասկը ավելի քան 5 միլիարդ դոլար է կորցրել Tesla-ի բաժնետոմսերի գնի անկումից հետո, ինչը տեղի է ունեցել էլեկտրական մեքենայի հետ կապված վթարի մասին լուրի ֆոնին, հայտնում է «ՌԻԱ Նովոստին»:

Մասկի կարողությունն օրական ընկել է 5,1 միլիարդ դոլարով եւ այժմ կազմում է 174,6 միլիարդ դոլար, նա երրորդ տեղն է զբաղեցնում աշխարհի ամենահարուստ մարդկանց վարկանիշում: Tesla-ի բաժնետոմսերը երկուշաբթի ընկել են 3,4%-ով եւ կազմել են 714,63 դոլար:

Ավելի վաղ Wall Street Journal-ը հաղորդել էր, որ ԱՄՆ Տեխաս նահանգում երկու մարդ է զոհվել դժբախտ պատահարի հետեւանքով, երբ Tesla էլեկտրական մեքենան բախվել է ծառին: Նախաքննության արդյունքների համաձայն՝ ենթադրվում էր, որ վթարի պահին մեքենան եղել է ավտոպիլոտի ռեժիմում:

Ավելի ուշ Մասկը հերքել է այս պնդումը՝ նշելով, որ այս մեքենայի համար լիարժեք ինքնավար վարում չկա: Մասկը նաեւ հավելել է, որ մեքենայի վրա ավտոպիլոտի աշխատելու համար անհրաժեշտ են ճանապարհի որոշակի գծանշումներ, որոնք չեն եղել այն փողոցում, որտեղ տեղի է ունեցել վթարը: