Պակիստանի մեծ մասը մթության մեջ է

Պակիստանի մեծ մասը մնացել է առանց էլեկտրականության եւ մթության մեջ է, հաղորդում է AFP-ը:

Ավելի քան 210 մլն բնակչություն ունեցող երկրում էլեկտրաէներգիայի բաշխման համակարգն իրենից ներկայացնում է բարդ եւ փխրուն ցանց, եւ ցանցի մի հատվածում խնդիրը կարող է ամբողջ երկրում խոշոր խնդրի վերածվել:

Էլեկտրաէներգիայի անջատումն անդրադարձել է Պակիստանի բոլոր խոշոր քաղաքների վրա, ներառյալ մայրաքաղաք Իսլամաբադը, Կարաչի տնտեսական կենտրոնն ու մեծությամբ երկրորդ Լահոր քաղաքը: 

Netblocks, որը հետեւում է համացանցի անջատումներին, հայտարարել է, որ երկրում համացանցի հասանելիությունը դադարեցվել է անջատումների արդյունքում: