Սպիտակի Սուրբ Հովհաննես սրբավայրի մոտ մարդիկ մթության պատճառով մոլորվել են. նրանց թվում մանկահասակ երեխաներ կան

ՀՀ ԱԻՆ-ում դեկտեմբերի 1-ին, ժամը 17։44-ին ահազանգ է ստացվել, որ Լոռու մարզի Սպիտակ քաղաքի Սուրբ Հովհաննես սրբավայրի մոտակայքում քաղաքացիները մթության պատճառով մոլորվել են:

Yerkir.am-ի տեղեկացմամբ՝ պարզվել է, որ Սուրբ Հովհաննես սրբավայրում քաղաքացիները մթության պատճառով չեն կարողանում իջնել:

Փրկարարները Սուրբ Հովհաննես մատուռից քաղաքացիներին՝ 36-ամյա Արմեն, 9-ամյա Վաղարշ եւ 4-ամյա Ռուզաննա Բ.-երին, 36-ամյա Գոհար Գ.-ին մոտեցրել են փրկարարական ավտոմեքենային։ Քաղաքացիները տեղափոխվել են հրշեջ-փրկարարական ջոկատ, այնուհետեւ մեկնել Երեւան։

Փրկարարները հանդիպել են մոլորված մյուս քաղաքացիներին՝ 22-ամյա Ղարիբ Ս.-ին, 83-ամյա Եղսիկ Բ.-ին  եւ փրկարարական ավտոմեքենայով մոտեցրել իրենց ավտոմեքենային։