Դոնալդ Թրամփը հայտարարել է, որ մտադիր է հաղթել ընտրություններում 8 նահանգում, որտեղ պաշտոնապես պարտություն է կրել

ԱՄՆ նախագահ Դոնալդ Թրամփը հայտարարել է, որ մտադիր է հաղթել ընտրություններում 8 նահանգում, որտեղ պաշտոնապես պարտություն է կրել: Ջորջիա նահանգում իր կողմնակիցների հետ հանդիպման ժամանակ նա հայտարարել է, որ վերահաշվարկի պահանջ ղ ներկայացրել միանգամից 8 նահանգների համար։

Թրամփը հավաքվածներին խոստացել է, որ իրավիճակը կփոխվի մոտ ապագայում: «Տեսեք, թե ինչ կլինի առաջիկա մի քանի շաբաթվա ընթացքում, ինչ տեղի կունենա եւ ինչեր կբացահայտվեն»,-ասել է պետության ղեկավարը:

Դոնալդ Թրամփը չի ընդունում նախագահական ընտրությունների արդյունքները: Բայդենի օգտին քվեարկել է 306 ընտրիչ, իսկ Թրամփի օգտին` 232-ը: Արդյունքները պետք է հաստատվեն Կոնգրեսի կողմից հունվարի 6-ին: Ընտրված նախագահի երդմնակալության արարողությունը նշանակված է հունվարի 20-ին: