Այս պահին Երևանում sett-weather
Փոխարժեքներ 28 10 2024
USD ⚊ $ 387.25
EUR ⚊ € 419.2
RUB ⚊ ₽ 4.01
GBP ⚊ £ 502.92
GEL ⚊ ₾ 141.79
կարևոր
0 դիտում, 3 տարի առաջ - 2020-12-06 12:02
Հասարակություն

Փաստաբանությունն իշխանությունների չարաշահումները ճնշող կառուցողական ինստիտուտ է. այսօր լրանում է Փաստաբանության ստեղծման 102-րդ տարին

Փաստաբանությունն իշխանությունների չարաշահումները ճնշող կառուցողական ինստիտուտ է. այսօր լրանում է Փաստաբանության ստեղծման 102-րդ տարին
ՀՀ Փաստաբանների պալատի նախագահ Արա Զոհրաբյանը գրում է․
 
«Այսօր լրանում է Փաստաբանության ստեղծման 102-րդ տարին։ Հասկանալի պատճառներով Փաստաբանի օրը հանդիսավոր պայմաններում չենք նշում:
 
Փաստաբանությունը, որպես իրավաբանական օգնություն ապահովող ինստիտուցիոնալ համակարգ, Հայաստանում առաջին անգամ ներդրվել է 1918թ․ Հայաստանի առաջին Հանրապետության ժամանակաշրջանում։
 
ՈՒղիղ 102 տարի առաջ, 1918թ․ դեկտեմբերի 6-ին, Հայաստանի առաջին հանրապետության խորհրդի (պառլամենտի) կողմից ընդունված Դատական հաստատությունների կանոնադրության 9-րդ բաժնի 2-րդ գլուխն ամբողջությամբ նվիրվել էր փաստաբաններին, որոնք այն ժամանակ կոչվում էին երդվյալ հավատարմատարներ։ Այս նորմատիվ իրավական ակտով կանոնակարգվել է փաստաբանների կազմակերպության կառուցվածքը, կառավարման մարմինները, փաստաբանների վարքագծի կանոնները և մի շարք այլ հարաբերություններ։
 
Օգտվելով առիթից, շնորհավորում եմ մեր բոլոր փաստաբաններին:
 
Փաստաբանությանը իշխանությունները հաճախ համարել են ընդդիմախոս, իսկ երբեմն նաև խանգարող ինստիտուտ, սակայն ՓԱՍՏԱԲԱՆՈՒԹՅՈՒՆՆ ԻՇԽԱՆՈՒԹՅՈՒՆՆԵՐԻ ՉԱՐԱՇԱՀՈՒՄՆԵՐԸ ՃՆՇՈՂ ԿԱՌՈՒՑՈՂԱԿԱՆ ԻՆՍՏԻՏՈՒՏ Է:
 
Իսկ փաստաբանությունն իրականացնում է պետության ներսում հանրության իմունային համակարգի գործառույթը, հակազդելով պետական մարմինների կամ պաշտոնատար անձանց այն «հիվանդություններին», որոնք վնասում են պետությանը: Այս գործառույթն իրականացնում է յուրաքանչյուր փաստաբան ինքնուրույն պայքարելով քաղաքացիների իրավունքների և ազատությունների համար:
 
Ունե՞նք թերություններ: Այո, ունենք և ձգտում ենք ինքնամաքրվել: Ունենք ինքնամաքրվելու և՛ կամքը և՛ ինստիտուցիոնալ մեխանիզմները: Տարեց տարի մեր շարքերը համալրում են բանիմաց փաստաբանները: Տարեց տարի մենք դառնում ենք ավելի համախմբված:
 
Կրկին շնորհավորում եմ մեր փաստաբաններին: Եղեք առողջ, հաջողակ և հավատարիմ ձեր առաքելությանը»:
 
բաժանորդագրվել
Նմանատիպ նյութեր

Լրահոս

  • բոլոր լուրերը
    • Հրապարակումների արխիվ - կայքի նախկին տարբերակը

    Հետադարձ կապ

    • Սոց. ցանցեր

    © 2024 Yerkir.am Բոլոր իրավունքները պաշտպանված են։

    Մեր կայքում տեղ գտած հրապարակումների հեղինակային իրավունքը պատկանում է բացառապես yerkir.am խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է yerkir.am-ի խմբագրության համաձայնությունը: Լրատվամիջոցները կարող են yerkir.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:
    Գաղտնիության քաղաքականություն Կայքի հին տարբերակը