ԱՀԿ-ն կանխատեսում է կորոնավիրուսի երրորդ ալիք

Առողջապահության համաշխարհային կազմակերպության հատուկ ներկայացուցիչ Դեյվիդ Նաբարոն հայտարարել է, որ Եվրոպայի արձագանքը Covid-19 համաճարակին անբավարար է:

Ըստ Reuters- ի՝ Նաբարոն ասել է, որ եթե Եվրոպան չստեղծի անհրաժեշտ ենթակառուցվածքներ, դա կհանգեցնի կորոնավիրուսի երրորդ ալիքի:

«Ամռան ամիսներին, երբ առաջին ալիքը վերցվեց վերահսկողության տակ, նրանք չկարողացան ստեղծել անհրաժեշտ ենթակառուցվածքներ: Հիմա գործ ունենք երկրորդ ալիքի հետ: Եթե Եվրոպան չի ստեղծում անհրաժեշտ ենթակառուցվածքներ, ապա մեզ սպասում է երրորդ ալիքը», - ասել է Առողջապահության համաշխարհային կազմակերպության հատուկ ներկայացուցիչ Դեյվիդ Նաբարոն:

Նա Հարավային Կորեային անվանել է օրինակելի՝ ցուցումներին հետևելու առումով:

«Մարդիկ լիովին ներգրավված են գործընթացում, նրանք վարվում են այնպես, որ վիրուսի գործը բարդացնեն, նրանք հեռավորություն են պահպանում, դիմակներ են կրում, հիվանդանալիս մեկուսանում են, ձեռքերը լվանում և մաքրում են մակերեսները: Նրանք պաշտպանում են բարձր ռիսկի խմբերին»,- ասել է Նաբարոն: