Մոսկվան ակնկալում է, որ ՄԱԿ-ը կմիանա Ղարաբաղում աշխատանքներին. Լավրով

Մոսկվան ակնկալում է, որ ՄԱԿ-ի կառույցները, հետեւելով ԿԽՄԿ-ին, կմիանան Ղարաբաղում հումանիտար խնդիրների լուծմանը. երեքշաբթի հայտարարել է ՌԴ ԱԳ նախարար Սերգեյ Լավրովը:

«Հուսով ենք, որ այլ մարդասիրական կառույցներ, առաջին հերթին՝ ՄԱԿ-ի կառույցները, նույնպես կմիանան: Նկատի ունեմ Փախստականների հարցերով գերագույն հանձնակատարի գրասենյակը, Հումանիտար հարցերի համակարգման գրասենյակը և, իհարկե, Լեռնային Ղարաբաղում, սուր են նաև մշակութային ժառանգության պահպանման խնդիրները: Եվ այստեղ ՅՈՒՆԵՍԿՕ-ն կարող է իր դերը կատարել»,- ասել է նա լրագրողներին:

Լավրովը նշել է, որ ԿԽՄԿ-ն վաղուց արդեն տարածաշրջանում է, և դրա փորձը կարող է օգտակար լինել այլ կազմակերպությունների համար:

«Կարծում եմ, որ այդ համաձայնագրերի հիման վրա ռազմական գործողությունների դադարեցումը, իհարկե, լրացուցիչ հնարավորություններ է ստեղծում Կարմիր խաչի միջազգային կոմիտեի աշխատանքի համար, որը ներկա է Հայաստանում և Ադրբեջանում, ներառյալ՝ Լեռնային Ղարաբաղում»,- ասել է նա լրագրողներին:

Ըստ Լավրովի՝ ԿԽՄԿ-ն կարող է կարևոր դեր ունենալ Լեռնային Ղարաբաղում տեղի ունեցած միջադեպի հետևանքները հաղթահարելու հարցում: