Ռուսաստանը կասկածում է Արևմուտքին ռուսական պետական կառույցների կայքերի աշխատանքներին միջամտելու մեջ. Լավրով

Ռուսաստանի ԱԳՆ ղեկավար Սերգեյ Լավրովը նշել է, որ վերջին ժամանակահատվածում  տեղեկատվական անվտանգության թեման սրվել է այն բանի պատճառով, որ փորձ է արվում Ռուսաստանին մեղադրել ԱՄՆ-ի ներքին գործերին, մասնավորապես՝ նախագահի ընտրություններին միջամտելու մեջ. հաղորդում է ՏԱՍՍ գործակալությունը:

Ուսանողների հետ հանդիպման ժամանակ Լավրովը  հայտարարել է, որ Ռուսաստանը կասկածում է, թե արևմտյան տերությունները միջամտում են ռուսական պետական ծառայությունների կայքերի գործունեությանը:

«Ռուսաստանին ուղղված ոչ մի մեղադրանք այդպես էլ չի հաստատվել, բայց այդ առասպելը շարունակ արծարծվում է ամերիկյան և արևմտյան ԶԼՄ-ներում»,– նշել է նախարարը: