Զինծառայողը թեթև վիրավորվել է. Սեյրան Օհանյան

Այսօր լրագրողների խնդրանքով ՀՀ պաշտպանության նախարար Սեյրան Օհանյանն անդրադարձել է սահմանին գրանցված միջադեպին, երբ մարտական հենակետում զինվոր է վիրավորվել հակառակորդի գնդակից:

«ԼՂ պաշտպանության բանակում հակառակորդի կրակոցներից մեկ զինծառայող է վիրավորվել: Գնդակը դիպել է պատին, այնուհետեւ, անդրադարձ կատարելով, դիպել զինծառայողի ձեռքին: Թեթև վիրավորվել է»,- ասաց Սեյրան Օհանյանը:

Հարցին` արդյո՞ք դարձյալ լարվել է հայ-ադրբեջանական սահմանը, նախարարը պատասխանեց, որ իրավիճակը միշտ էլ կրկնվում է, լարվածություն միշտ կա, քանի դեռ Հայաստանը խնդիրներ ունի հակառակորդի հետ:

Ինչ վերաբերում է Ադրբեջանի սպառազինությունների ավելացմանը, Սեյրան Օհանյանը նշեց, որ Ադրբեջանի հնարավորությունները մի քիչ ավելի շատ են, Ադրբեջանը պարբերաբար սպառազինվում է, բայց բանակները չեն կարող գնահատվել միայն սպառազինության քանակով: «ՀՀ և ԼՂ պաշտպանության բանակները հավասարակշռությունը պահպանում են զինվորների որակական պատրաստավածության և մարտական ոգու հաշվին»,- ասաց նախարարը:

Հիշեցնենք, որ, ցավոք, այսօր սահմանին՝ նույն վայրում, թշնամու գնդակից փոխգնդապետ է զոհվել: