ԱՄՆ-ի մի քանի նահանգներում Թրամփն առաջատար է

ԱՄՆ գործող նախագահ Դոնալդ Թրամփը հաղթում է մի քանի առանցքային նահանգներում, որոնք կապահովեն ընտրիչների առավելագույն թվով ձայներ. հայտնում է Fox News-ը։ 

Նշվում է՝ քվեաթերթիկների 53 տոկոսի հաշվարկման արդյունքում Թրամփն առաջատար է Ջորջիայում (16 ընտրողի ձայն)՝ 55․8 տոկոս ձայն ընդդեմ մրցակից դեմոկրատ Ջո Բայդենի, որի օգտին է քվեների 43․1 տոկոսը։

Բացի այդ՝ Թրամփը հաղթում է նաև Օհայոյում (18 ընտրողի ձայն)։ Այնտեղ ձայների 75 տոկոսի հաշվարկից հետո հայտնի է դարձել, որ Թրամփի օգտին է եղել քվեարկողների 51․2 տոկոսի ձայնը, իսկ 47․3 տոկոսն ուղղված է եղել Բայդենին։

Թրամփն առաջ է անցել նաև Բայդենի հայրենի Փենսիլվանիայում (20 ընտրող), Ֆլորիդայում։ Հաղթանակն այդ նահանգում կապահովի ընտրիչների 29 ձայն։ Թրամփն առաջ է անցել նաև Տեխասում (38 ընտրող), «տատանվող» Հյուսիսային Կարոլինայում (15 ընտրող)։