կարևոր
4243 դիտում, 1 տարի առաջ - 2023-03-26 14:08
Աշխարհ

ԱՄՆ-ի հարավային նահանգներում տորնադոյի զոհերի թիվն ավելացել է․ ամբողջական քաղաքներ են ավերվել

ԱՄՆ-ի հարավային նահանգներում տորնադոյի զոհերի թիվն ավելացել է․ ամբողջական քաղաքներ են ավերվել

Միսիսիպի եւ Ալաբամա նահանգներում, ԱՄՆ հարավային նահանգներում պտտվող տորնադոյի հետեւանքով, առնվազն 26 մարդ է զոհվել, հայտնել են ռազմաօդային ուժերը։

Որոնողա-փրկարարական աշխատանքները շարունակվում են, իսկ Միսիսիպիի կառավարությունը արտակարգ դրություն է հայտարարել:

Ռոլլինգ Ֆորք քաղաքում փողոցները լցված են մասնատված մեքենաներով, աղյուսներով եւ ապակիներով. քաղաքը գրեթե ամբողջությամբ գետնին է հավասարվել:

Միսիսիպիի նահանգապետ Թեյթ Ռիվզը շաբաթ օրը այցելել է Սիլվեր Սիթի եւ Ուինոնա՝ հանդիպելու մոլեգնող աղետից տուժած բնակիչների հետ:

Ռիվզը գրառում է կատարել իր թվիթերյան էջում՝ իրավիճակը անվանել է «ողբերգություն»:

Միսիսիպիում որոնողափրկարարական աշխատանքները կշարունակվեն, քանի որ կանխատեսվում է, որ կիրակի վաղ առավոտյան Ալաբամա եւ Ջորջիա նահանգներում նոր փոթորիկներ կլինեն:

ԱՄՆ նախագահ Ջո Բայդենը նույնպես իր աջակցությունն է հայտնել տուժած տարածաշրջանին։ Նա Միսիսիպիի պատկերները որակել է որպես «սրտաճմլիկ» եւ ասել, որ դաշնային կառավարությունը «ուժերի սահմաններում կանի ամեն ինչ, որպեսզի օգնի»: