Փոխարժեքներ
28 10 2024
|
||
---|---|---|
USD | ⚊ | $ 387.25 |
EUR | ⚊ | € 419.2 |
RUB | ⚊ | ₽ 4.01 |
GBP | ⚊ | £ 502.92 |
GEL | ⚊ | ₾ 141.79 |
Ադրբեջանի նախագահ Իլհամ Ալիևի առաջարկը՝ դադարեցնել Ղարաբաղում իր բանակի առաջխաղացումը, ծուղակ է: Այս մասին «Վզգլյադ» թերթին ասել է Ռուսաստանի Դաշնության Պետդումայի պատգամավոր, Պետդումայի ԱՊՀ գործերի կոմիտեի ղեկավարի տեղակալ Կոնստանտին Զատուլինը:
Նրա խոսքով՝ եթե Բաքուն բավարարվի միայն Լաչինի միջանցքի վերահսկողությամբ, դա կնշանակի ղարաբաղահայության ամբողջական շրջափակում:
«Հասկանալի է, թե ինչու է հենց հիմա Ադրբեջանի նախագահ Իլհամ Ալիևը նման վերջնագիր ներկայացնում: Ադրբեջանական բանակը կարողացել է վերահսկողություն սահմանել Լեռնային Ղարաբաղի շուրջ գտնվող յոթ շրջաններից չորսի վրա, որոնք վերահսկվում էին հայկական զորքերի կողմից: Միևնույն ժամանակ, Լաչինի և Քելբաջարի շրջանները, որոնք վերահսկվում են հայերի կողմից, շատ կարևոր են՝ որպես Լեռնային Ղարաբաղը Հայաստանի հետ կապող միջանցք»,- ասել է նա:
Հիշեցնենք, որ հոկտեմբերի 28-ին Ալիեւն ասել էր, որ Բաքուն կդադարեցնի առաջխաղացումը Արցախում, երբ վերահսկողություն ստանա Բերձորի ու Քարվաճառի շրջանների ու Ակնայի շրջանի որոշ հատվածների վրա: