Ռուսաստանը դեմ կլինի Սիրիայի վերաբերյալ ՔԶԱԿ զեկույցի վրա հիմնված՝ ԱՄՆ բանաձևին

ԱՄՆ-ը կփորձի ՄԱԿ-ի Անվտանգության խորհուրդ բանաձև ներկայացնել Սիրիայի դեմ՝ Քիմիական զենքի արգելման կազմակերպության (ՔԶԱԿ)՝ նախորդ օրը ներկայացրած զեկույցի հիման վրա: Մոսկվան չի կարող համաձայնել այդ փաստաթղթի հետ. հայտարարել է ՌԴ փոխարտգործնախարար Սերգեյ Վերշինինը:

«Երեկ Անվտանգության խորհուրդ, Գլխավոր ասամբլեա ուղարկվեց Հաագայի զեկույցը՝ Քիմիական զենքի արգելման կազմակերպությունից՝ Սիրիայի վերաբերյալ, որը մենք սպասում էինք: Մեր կանխատեսումը բավականին բարդ է, ամենայն հավանականությամբ, մենք անմիջապես կարող ենք տեսնել, որ ամերիկացիները կփորձեն ստեղծել բացարձակապես անընդունելի բանաձև, որը հիմնված է Հաագայի այս զեկույցի վրա՝ ուղղված Սիրիայի դեմ: Պարզ է, թե դա ինչի կհանգեցնի: Մենք դա չենք կարող թույլատրել, համաձայնել դրա հետ»,–  Դաշնային խորհրդում նշել է Վերշինինը:

Հիշեցնենք, որ արևմտյան մի շարք տերություններ մեղադրում են Սիրիայի օրինական իշխանություններին քիմիական զենք կիրառելու մեջ, ինչը, սակայն, հերքվել է Ասադի իշխանության կողմից։