ԱՄՆ-ի և Թուրքիայի միջև պայմանավորվածությունն անվտանգության գոտի ստեղծելու վերաբերյալ՝ հարձակում է Սիրիայի վրա. Սիրիայի կառավարություն

Սիրիայի կառավարությունն այսօր հանդես է եկել հայտարարությամբ: Սիրիան՝ երկրի հյուսիսում անվտանգության գոտի ստեղծելու ուղղությամբ պայմանավորվածությունը Թուրքիայի և ԱՄՆ միջև, որակել է որպես «կոպիտ հարձակում»  Սիրիայի ինքնիշխանության և տարածքային ամբողջականության վրա, երկու երկրների կատարած քայլը սիրիական կողմը համարել է «վտանգավոր էսկալացիա», հայտնում է Reuters-ը:

«Երկու երկրների միջև պայմանավորվածությունը ցույց է տալիս ամերիկա-թուրքական ագրեսիան Սիրիայի հանդեպ…. Ամերիկա-թուրքական ագրեսիան վտանգավոր էսկալացիա է, և տարածքում խաղաղության ու կայունության դեմ ուղղված սպառնալիք», - հաղորդել է SANA լրատվական գործակալությունը` հղում անելով Սիրիայի արտգործնախարարի խոսքերը:

Yerkir.am-ն ավելի վաղ տեղեկացրել էր, որ Սիրիայում անվտանգության գոտի ստեղծելու շուրջ ԱՄՆ-ի և Թուրքիաի միջև բանակցությունները շարունակվում են, եւ ըստ բանակցող կողմերի՝ դրանք կառուցողական ընթացքի մեջ են: