Թրամփը մեկնաբանել է Լեռնային Ղարաբաղում տիրող իրավիճակը

ԱՄՆ-ն ուշադիր հետևում է Լեռնային Ղարաբաղում տիրող իրավիճակին ու կտեսնի՝ արդյոք կարող է դադարեցնել բռնությունները. այս մասին երկուշաբթի լրագրողներին ճեպազրույցի ժամանակ ասել է ԱՄՆ նախագահ Դոնալդ Թրամփը:

Նա, մասնավորապես, նշել է. «Մենք ուշադիր հետևում ենք դրան: Մենք լավ հարաբերություններ ունենք այդ տարածաշրջանում: Տեսնենք՝ կարո՞ղ ենք դադարեցնել սրացումը»,- ասել է Թրամփը:

Ավելի վաղ հայտնել էինք, որ կիրակի օրը Ադրբեջանի զինված ուժերը, կոպտորեն խախտելով միջազգային մարդասիրական իրավունքի գործող նորմերն ու հակամարտության լուծման խաղաղ բանակցային գործընթացի տրամաբանությունը, օգտագործելով հրթիռահրետանային միջոցներ և ավիացիա, շփման գծի ողջ երկայնքով անցել են հարձակման՝ թիրախավորելով Ղարաբաղի ՊԲ մարտական դիրքերը եւ խաղաղ բնակավայրերը։