ՏԵՍԱՆՅՈՒԹ․ Պետական մեխանիզմը խոդ են տվել Ծառուկյանի դեմ. Ծառուկյան

Պետական մեխանիզմը խոդ են տվել Ծառուկյանի դեմ, չգիտեմ՝ ինչի. ըստ Yerkir.am-ի՝ հայտարարեց ԲՀԿ նախագահ Գագիկ Ծառուկյանը՝ ԲՀԿ Ապարանի տարածքային կազմակերպության անդամների եւ պատասխանատուների հետ հանդիպման ժամանակ։

«Ես չեմ քննադատում, ես խնդիրն եմ ասում, լուծումն եմ ասում»,- ասաց նա։

Ծառուկյանի համոզմամբ՝ կորոնավիրուսից մահացած 1 200 մարդու համար  իշխանությունը պետք է պատասխան տա։

«Նրանց հարազատներին պետք է պատասխան տաս: Հարցնես՝ ասում են. «Ժողովուրդն 90 տոկոսով մեր հետ է»: Ա՛յ ցավդ տանեմ, Ծառուկյանն այսօր ժողովրդի ծոցից հելած մարդ է, ցանկացած կոպեկի համար պատասխան է տվել, ով եկավ, ստուգեց։ Կարան ստուգեն, ես խնդիր չունեմ, թող իրենք մտածեն, որ իրենց օրերը հաշված են, մեկ շաբաթ, 2 շաբաթ ձգելով՝ պատասխանը տալու են: Մարդու վրա գործ կարելով չի»,- ասաց նա:

ԲՀԿ առաջնորդի խոսքով՝ բարեգործությամբ երկիր չեն զարգացնում, ժողովուրդ չեն պահում։ «Առաջընթացի համար հարկավոր են իրատեսական ծրագրեր եւ ոլորտների փորձառու ղեկավարներ: Այսօր պետք է ծրագիր, պետք է ներդրում: Պետք է ավելի լավ պայման առաջարկենք, որ մարդիկ գան ստեղ, փող դնեն»,- ասաց Գագիկ Ծառուկյանը։

Մանրամասն՝ տեսանյութում: