Վրաց-հայկական սահմանը ապօրինի հատելու մեղադրանքով Հնդկաստանի 3 քաղաքացի է ձերբակալվել

Վրաստանի ՆԳ նախարարության սահմանային ոստիկանության աշխատակիցները ձերբակալել են վրաց-հայկական սահմանը ապօրինի հատել փորձող Հնդկաստանի Հանրապետության 3 քաղաքացու. այս մասին տեղեկացնում է newsgerogia.ge-ն:

Նշվում է՝ ձերբակալվածները մեղադրվում են Վրաստանի պետական սահմանը ապօրինի, խմբակային հատելու մեջ:

Գերատեսչության հաղորդմամբ՝ մեղադրյալները Հայաստանի Հանրապետությունից խմբակային ապօրինի կերպով հատել են Վրաստանի պետական սահմանը: Գործի առթիվ ընթանում է հետաքննություն: Հանցանքը ենթադրում է 4-5 տարի ազատազրկում:

Հավելվում է նաև, որ ըստ ՆԳՆ պաշտոնական տվյալների՝ 2020 թվականին Վրաստանի պետական սահմանը ապօրինի հատելու կամ հատելու փորձի համար տարբեր երկրների 92 քաղաքացի է պատասխանատվության ենթարկվել: