Թուրքիան կվերցնի այն, ինչի իրավունքն ունի. Էրդողան

Թուրքիայի նախագահ Ռեջեփ Թայիփ Էրդողանը ժամանել է Մուշի նահանգ, որտեղ անցկացվում են միջոցառումներ՝ նշելու Մանազկերտի ճակատամարտում տարած հաղթանակի 949-ամյակը, ինչը թուրքերի համար ճանապարհ բացեց դեպի Փոքր Ասիա:

Ինչպես հաղորդում է Anadolu- ն՝ դիմելով միջոցառման մասնակիցներին, Էրդողանը 1071-ի Մանազկերտի հաղթանակն անվանել է որպես թուրք ժողովրդի կամքի և վճռականության ցուցիչ: «Մեր նախնիները իրենց կյանքի գնով մեզ կտակեցին Անատոլիայի հողերը», - ասել է Թուրքիայի առաջնորդը:

 «Ժամանակակից Թուրքիան այլևս երկիր չէ, որը պատրաստ է զիջումների: Անկարան կձեռնարկի բոլոր քայլերը՝ տարածաշրջանում ազգային շահերը պաշտպանելու համար և պատրաստ է դրա համար ցանկացած գին վճարել: Թուրքիան կվերցնի այն, ինչի իրավունքն ունի Միջերկրական, Էգեյանում և Սև ծովերում», - շարունակել է Թուրքիայի ղեկավարը:

Էրդողանը շեշտել է, որ Թուրքիան չի պահանջում որևէ տարածք և չի ձգտում ոտնահարել այլ երկրների իրավունքները, բայց հետ չի կանգնի իր շահերից: