4 տարի առաջ - 2020-08-21 21:32 
ԵՄ-ի բազմաթիվ երկրներում շարունակում են գրանցել COVID-19 կորոնավիրուսով վարակման հաստատված դեպքերի թվաքանակի արագ աճ: Այդ մասին օգոստոսի 20-ին հայտնել են եվրոպական ԶԼՄ-ները:
Մասնավորապես, Իսպանիայում օգոստոսի 19-ին հայտնաբերել են COVID-19-ի 3 հազար 715 նոր դեպք, ինչը մեկ օրում գրանցված ամենաբարձր ցուցանիշն է այն ժամանակվանից, երբ հունիսի վերջին այս երկրում չեղարկեցին ինքնամեկուսացման համազգային միջոցառումները: Իտալիայում օգոստոսի 19-ին հայտնաբերել են կորոնավիրուսով վարակման 642 դեպք. դա մայիսի վերջից ի վեր երկրում COVID-19-ով հիվանդացության ամենաբարձր ցուցանիշն է:
Գերմանիայում օգոստոսի 19-ին գրանցվել է կորոնավիրուսով վարակման 1,7 հազար դեպք. սա այս երկրի համար ախտահարվածների ռեկորդային բարձր թիվ է՝ ապրիլի վերջից ի վեր:
Ֆրանսիայի յուրաքանչյուր երրորդ քաղաքում իշխանությունները դիմակներ կրելը պարտադիր են դարձրել բազմամարդ վայրերում, այդ թվում՝ բաց տարածքներում:
Իսկ Նիսում օգոստոսի 20-ին հայտարարել են այն մասին, որ այժմ անհրաժեշտ է դիմակ կրել նույնիսկ բնության մեջ: COVID-19-ով վարակման նոր դեպքերի թվաքանակը Ֆրանսիայում օգոստոսի 19-ին կազմել է 3,8 հազար, հաղորդել է «Ինտերֆաքս»-ը:
2024-11-22 11:43
