Պորտուգալիայից ԵԽ պատգամավորը ողջունել է Քեթի Փիրիի կոչը՝ պատժամիջոցներ կիրառելու Ադրբեջանի դեմ

Եվրախորհրդարանի պատգամավոր Իզաբել Սանտոսը սատարել է Եվրամիության կողմից պատժամիջոցներ կիրառելու առաջարկին՝ Ադրբեջանի պաշտոնյաների դեմ, որոնք մեղավոր են մարդու իրավունքների խախտման մեջ. հայտնում է ադրբեջանական ընդդիմադիր «Թուրան» գործակալությունը:

Մինչև 2019 թվականը նա նախագահում էր ԵԱՀԿ խորհրդարանական վեհաժողովի ժողովրդավարության և մարդու իրավունքների հանձնաժողովը:

«Ամերիկայի ձայն»-ին տված հարցազրույցում նա ողջունել է Եվրախորհրդարանի Սոցիալ-դեմոկրատների խմբակցության փոխնախագահ Քեթի Փիրիի կոչը՝ պատժամիջոցներ կիրառել Ադրբեջանի ռեպրեսիվ իշխանությունների դեմ:

«Մենք անհանգստացած ենք Ադրբեջանի իրավապահ մարմինների կողմից Ֆուադ Գահրամանլիի դաժան խոշտանգումների վերաբերյալ հավաստի տեղեկություններից», - ասել է նա՝ նշելով, որ ուշադիր հետևում է Ադրբեջանում մարդու իրավունքների իրավիճակին:

«Տեղի է ունեցել համակարգված ահաբեկում, ձերբակալություններ և ճնշում ընդդիմության վրա», - նշել է Սանթոսը:

 «Այս պատժամիջոցները ուղղված չեն ընդհանուր առմամբ Ադրբեջանի դեմ, այլ այն ադրբեջանցի պաշտոնյաների դեմ, ովքեր դաժանորեն ճնշում են քաղաքական ընդդիմությանը և քաղաքացիական հասարակությանը», - եզրափակել է նա: