Ռուսաստանում կորոնավիրուսի 5811 նոր դեպք է հայտնաբերվել

Ռուսաստանում COVID-19-ի դեպքերի թիվը գերազանցել է 800 հազարը՝ մեկ օրում ավելանալով 5 811-ով։ Այս մասին հայտնել են օպերատիվ շտաբից, հաղորդում է РИА Новости-ն։

ՌԴ-ում կորոնավիրուսից մահացել է 154 մարդ, հիվանդանոցից դուրս է գրվել 8444-ը։

Ամենից շատ դեպքերը գրանցվել են Մոսկվայում (645), Սվերդլովսկի մարզում (248) եւ Խանտի-Մանսիյսկի ինքնավար մարզում (196): 

Հիվանդների մեկ քառորդը չունի կլինիկական դրսեւորումներ, այսինքն, հիվանդությունը ընթանում է առանց ախտանիշների:

Նախօրեին հաղորդվել էր 5848 նոր դեպքերի եւ 147 զոհերի մասին: Ընդհանուր համաճարակի սկսվելուց ի վեր երկրում գրանցվել է 800 849 դեպք, 588 774 մարդ արդեն ապաքինվել է, 13 046-ը մահացել է: