ՏԵՍԱՆՅՈՒԹ. Ուղեծիր է արձակվել Հարավային Կորեայի համար ռազմական Anasis-II արբանյակը. SpaceX

ԱՄՆ Ֆլորիդա նահանգի տիեզերակայանում ամերիկյան SpaceX ընկերության Falcon 9 հրթիռակիրը երկուշաբթի՝ տեղական ժամանակով 17:30-ին, Հարավային Կորեայի ռազմական կարիքների համար կապի արբանյակի հետ արձակվել է. այս մասին հայտնում է ՏԱՍՍ-ը, նշելով՝ հրթիռակրի գործարկման հեռարձակումը ցուցադրվում է ընկերության կայքում:

Հիշեցնենք՝ ավելի վաղ նախատեսվում էր, որ մեկնարկը տրվելու է հուլիսի 14-ին: Ընկերության փորձագետները արձակման նախորդ օրը հետաձգել էին գործողությունն ու հայտնել՝ անհրաժեշտ է Falcon 9-ի երկրորդ աստիճանի հավելյալ ստուգում իրականացնել:

Պլանավորվում է, որ Anasis-II սարքը նախատեսված ուղեծրում կհայտնվի արձակումից հետո 30 րոպեի ընթացքում: Հարավկորեական կողմի խնդրանքով՝ SpaceX-ը չի ցուցադրի արբանյակը: