ՈՒՂԻՂ. Ոստիկանությունը և քաղաքապետարանը թույլ չեն տալիս Կոմիտասի գյուղատնտեսական շուկայի աշխատանքը

Ոստիկանությունը և քաղաքապետարանն այսօր՝ հուլիսի 19-ին, Կոմիտասի գյուղատնտեսական շուկայի առևտրականներին թույլ չեն տալիս աշխատել, վերջիններս բողոքում են արգելքի դեմ:

«9 տարի է՝ մենք այստեղ աշխատում ենք, միակ տեղն ա, որտեղ գյուղացին կարողանում ա իր ապրանքն իրացնել, անիմաստ շուկա՞ ա ձեզ համար: Մեզ թվում ա, որ մի լուրջ մարդու մենք խանգարում ենք, վերեւից էլ հրաման կա, որ փակեք այն»,- քաղաքապետարանի ներկայացուցչին դիմեց առեւտրականներից մեկը:

Լրագրողների հետ զրույցում պաշտոնյան նշեց, որ մոտակա նմանատիպ խանութների աշխատակիցները բողոքում են, որ շուկայի պատճառով շաբաթական 3 օր բացարձակապես առեւտուր չի լինում: