Կորոնավիրուս է հաստատվել Աֆղանստանում վրացական 28 զինծառայողի մոտ

Թեստավորման ընթացքում ՆԱՏՕ-ի «Վճռական աջակցություն» առաքելության կազմում կորոնավիրուս է հաստատվել Աֆղանստանում գտնվող վրացական պաշտպանական ուժերի 28 զինծառայողի մոտ։

Երկրի Պաշտպանության նախարարության հաղորդագրության համաձայն, դրանք ժամկետից մի քանի շաբաթ առաջ տեղափոխվել են Վրաստան՝ հատուկ չվերթով՝ գերմանական օդուժի ռազմական ինքնաթիռով: Նրանց ուղեկցում էին Բունդեսվերի տարբեր ստորաբաժանումների բժիշկներ և բուժաշխատողներ:

«Զինվորականների առողջական վիճակը բավարար է: Ինչ վերաբերում է ախտանիշներին, ապա այն ընթանում է առանց բարդությունների և բողոքների: Վարակման աղբյուրը կապված է տեղի աֆղանական անձնակազմի հետ:

Հարկ է նշել, որ Վրաստան ժամանելուց առաջ զինծառայողները, ՆԱՏՕ-ի կողմից սահմանված կանոններին համապատասխան, տեղավորվել էին հատուկ մեկուսացման վայրերում: Զինվորական անձնակազմը կշարունակի ստանալ համապատասխան բուժօգնություն և բուժում Գորիի զինվորական հոսպիտալում, որը, Համաձայն Առողջապահության համաշխարհային կազմակերպության, համաճարակային պատրաստվածության առումով Վրաստանում ամենալավ պատրաստված բժշկական հաստատություններից մեկն է: Ինչ վերաբերում է մնացած զինվորականներին, կանխարգելման նպատակով երկիր վերադառնալուց հետո նրանք սահմանված կարգով անցնում են 2-շաբաթյա կարանտին», - նշել է վրաց պաշտպանության նախարարությունը: