Վարորդները, որոնց մոտ կորոնավիրուս էր հաստատվել Հայաստանում, կբուժվեն Վրաստանում

Վարորդները, որոնց մոտ կորոնավիրուս էր հաստատվել Հայաստանում, կբուժվեն Վրաստանում. «jnews.ge»-ի փոխանցմամբ՝ հայտնում է Yerkir.am-ը:։ 

Թբիլիսիի ինֆեկցիոն կլինիկայի բուժական մասով տնօրեն Մարիա Էզուգբաիայան հայտնել է, որ իրենց մոտ են տեղափոխվել բեռնատարի երկու վարորդ, որոնց մոտ կորոնավիրուս հաստատվել էր Հայաստանում:

Վարորդների վիճակը կայուն է, նրանք արդեն 9-ից 10 օր է՝ հիվանդ են: Էզուգբաիայան ասել է, որ եթե 10 օրվա ընթացքում հիվանդությունը չի բարդանում, որպես կանոն ապաքինման գործընթացն ավելի շուտ է սկսվում, ու այդ երկու վարորդը հենց այդ փուլում են: Բժշկի խոսքով՝ ամենայն հավանականությամբ նրանց վիճակը կայուն կմնա, շուտով կապաքինվեն: