Թուրքերը Իրաքի հյուսիսում նոր ռազմաբազաներ են ստեղծում

«Ալ-Արաբիա» գործակալության փոխանցմամբ՝ Իրաքյան Քուրդիստանի զիված՝ «Փեշմերգե» խմբավորման զինյալները հայտնում են, որ Թուրքիան ռազմակայաններ է կառուցում Հյուսիսային Իրաքում: Ըստ գործակալության՝ թուրքական զորքերը խորացել են Իրաքի տարածքում՝ 20–40 կմ:

«Թուրքական զորքերը ներխուժել են Հյուսիսային Իրաք և ստեղծում են ռազմական բազաներ», - ասվում է Փեշմերգեի հայտարարության մեջ:

Թուրքիայի Պաշտպանության նախարարությունը հունիսի 14-ին հայտարարել էր երկրում արգելված «Քրդական աշխատավորական կուսակցության» (ՔԱԿ) դեմ Իրաքում նոր գործողության մասին: Այն կոչվում է «Ճանկ-վագր» և անցկացվում է Իրաքի Հաֆթանին շրջանում: Այս կապակցությամբ Իրաքի արտաքին գործերի նախարարությունը երկու անգամ բողոքի նոտա է հղել Թուրքիայի դեսպանին: