Ադրբեջանում նավթի գնի անկումից մեկ Հայաստանն է ուրախանում, մեկ ընդդիմությունը. Ալիև

Ադրբեջանի նախագահ Իլհամ Ալիևը սահմանային նոր զորամասի բացման արարողության ժամանակ դարձյալ քննադատել է ընդդիմությանը։

«Ես ասել եմ, որ Ադրբեջանում ինչքան, որ վատ լինի, նրանց համար այդքան էլ լավ է։ Տեսեք, թե ինչում են ուրախանում։ Ուրախանում են, որ նավթի գինը 14 դոլարի է հասել։ Ո՞վ է ուրախանում նման բանի համար։ Մեկ Հայաստանը, մեկ էլ իրենց ընդդիմություն անվանող ապազգային տարրերը։ Երբ նավթի գինը 14 դոլարի է հասնում, մարդիկ դրա պատճառով նեղություն են կրում, խնդիրներ են առաջանում, սոցիալական ոլորտում խնդիրներ կարող են առաջանալ, մեր տնտեսությունը դանդաղում է։ Բայց դա միայն նրանց օգտին է...», - նշել է Ալիևը։

Բաքվի բռնապետը նաև մեղադրել է երկրի ըննդիմությանը այն բանում, որ նրանց գործողությունների պատճառով իրենց ձեռքից «վերցրել են» հողերը։