ՏԵՍԱՆՅՈՒԹ․ Եթե երկրի վիճակի, աղքատության պատճառը ես եմ, պատրաստ եմ ինքնակամ գնալ, պատիժս կրել. Ծառուկյան

Այսօր Երևանի ընդհանուր իրավասության դատարանի Շենգավիթի նստավայրում շարունակվում էր քննվել «Բարգավաճ Հայաստան» կուսակցության ղեկավար Գագիկ Ծառուկյանին կալանավորելու հարցը։ Քիչ առաջ Գագիկ Ծառուկյանը դուրս եկավ դատարանից և լրագրողների հետ ճեպազրույցի ընթացքում նշեց. «Այս հոդվածով մինչև այսօր գուցե կան մարդիկ, ովքեր տույժ- տուգանք վճարած լինեն, բայց չկա մարդ, ում կալանվորելու միջնորդություն լինի: Հատկապես որ ես Ազգային Օլիմպիական կոմիտեի նախագահն եմ, երկրի երկրրորդ ուժի ղեկավարը,չի կարելի այդպես: Եթե երկրի այս վիճակի, համաճարակի տարածման, համատարած աղքատության, տնտեսական անկման պատճառը ես եմ, ես եմ մեղավոր այս ամեն ինչի համար, պատրաստ եմ ինքնակամ գնալ, պատիժս կրել»:

Հիշեցնենք, որ հունիսի 16-ին Ազգային ժողովը ձայների 87 կողմ, 0 դեմ հարաբերակցությամբ որոշել էր ԱԺ ԲՀԿ խմբակցության ղեկավար Գագիկ Ծառուկյանի նկատմամբ քրեական հետապնդում հարուցելու վերաբերյալ գլխավոր դատախազի միջնորդությանը տալ համաձայնություն:

Նույն օրվա մեկ այլ որոշմամբ և ձայների միևնույն հարաբերակցությամբ Ազգային ժողովը որոշում էր ընդունել Ազգային ժողովի պատգամավոր Գագիկ Ծառուկյանին ազատությունից զրկելու վերաբերյալ գլխավոր դատախազի միջնորդությանը տալ համաձայնություն:

Առավել մանրամասն՝ ուղիղ հեռարձակմամբ.