Հայաստանում, Ադրբեջանում, Ուզբեկստանում, Իսրայելում կորոնավիրուսի դեպքերի աճել են. ԱՀԿ

Առողջապահության համաշխարհային կազմակերպության (ԱՀԿ) Եվրոպական տարածաշրջանային բյուրոյի ղեկավար Հանս Կլյուգեն այսօր առցանց ճեպազրույցի ընթացքում ռուսալեզու լրագրողներին հայտարարել է, որ գրեթե 3 անգամ ավելացել է եվրոպական այն երկրների թիվը, որտեղ կորոնավիրուսով հիվանդանալու ցուցանիշն աճել է։

Նա, մասնավորապես, նշել է. «Եվրոպական տարածաշրջանում մի քանի շաբաթ որոշ երկրներում վարակի դեպքերի նվազումից հետո նոր դեպքերի ցուցանիշը կայունացել է օրական միջինը 17-20 հազարի շրջանակներում»։

Ըստ Կլյուգեի՝ մի շարք երկրներում, ինչպիսին են Հյուսիսային Մակեդոնիան, Հայաստանը, Ադրբեջանը, Ուզբեկստանը և Իսրայելը, դիտվում է կորոնավիրուսով վարակվածության թվի աճ. «Մի քանի երկրներում շարունակում են դիտվել նոր կորոնավիրուսով հիվանդացության բարձր ցուցանիշներ։ Անցյալ ամիս եվրոպական երկրների թիվը, որտեղ զգալիորեն ավելացել է հիվանդացության գումարային ցուցանիշը, ավելացել է գրեթե 3 անգամ՝ 6-ից դարձել է 21 երկիր։ Բազմաթիվ երկրներում COVID-19-ի համաճարակը նախկինի պես մնում է ակտիվ փուլում», – շեշտել է նա։ 

Առավել մանրամասն՝ տեսանյութում.