Իրանի արտգործնախարարը կայցելի Ռուսաստան և Թուրքիա

Իրանի արտգործնախարար Մոհամմադ Ջավադ Զարիֆը նախատեսում է հաջորդ շաբաթ այցելել Անկարա և Մոսկվա, որպեսզի աշխատանքային հանդիպում անցկացնի իր գործընկերների հետ. այս մասին հունիսի 12-ին հաղորդել է իրանական IRNA գործակալությունը:

Իրանի արտգործնախարարության խոսնակ Աբբաս Մուսավին ասել է, որ նախարարության ղեկավարը թուրք և ռուս գործընկերների հետ կքննարկի երկկողմ հարաբերությունների վերջին զարգացումները, ինչպես նաև տարածաշրջանային և միջազգային խոշոր հիմնախնդիրները:

«Սա Զարիֆի երկրորդ արտասահմանյան ուղևորությունն է` կորոնավիրուսի առաջին ալիքի համեմատաբար թուլացումից հետո», - ասել է դիվանագետը:

Ռուսաստանի արտգործնախարարության խոսնակ Մարիա Զախարովան հայտնել է, որ Իրանի արտգործնախարարը հունիսի 15-ի երեկոյան կմեկնի Մոսկվա ՝ հանդիպելու իր ռուս գործընկերոջ հետ: Նա հավելեց, որ ավելի մանրամասն տեղեկություններ Իրանի և Ռուսաստանի արտգործնախարարների հանդիպման մասին կտեղեկացվի ավելի ուշ: