Իտալիայի վարչապետին 3 ժամ հարցաքննել են կորոնավիրուսի դեմ պայքարում անփութության համար

Դատախազությունը տասնյակ բողոքներ է, որ Լոմբարդիայի երկու քաղաքներ «կարմիր գոտիներ»  են հայտարարվել վիրուսի դեպքերի հայտնաբերումից հետո շատ ուշ: Բժիշկներն ու վարակաբանների կարծիքով՝ կարանտինի երկշաբաթյա ձգձգումը հնարավորություն է տվել վիրուսին տարածվելու Բերգամո նահանգում, որտեղ մարտ ամսվա ընթացքում մահացությունն աճել է 571%-ով՝  նախորդ հինգ տարվա միջին ցուցանիշի համեմատ:

Կոնտեի աշխատակազմը հայտնել է, որ Բերգամոյի դատախազները մեկնել են Հռոմ և երեք ժամ հարցաքննել վարչապետին, ինչպես նաև Իտալիայի առողջապահության և ներքին գործերի նախարարներին: Գլխավոր դատախազ Մարիա Քրիստինա Ռոտան շեշտել է, որ պաշտոնյաները հարցաքննվել են որպես վկաներ, այլ ոչ թե կասկածյալներ:

Հետաքննություններ են իրականացվում կորոնավիրուսից մահացած մարդկանց տասնյակ հարազատների բողոքների հիման վրա: Քննվում է նաև հարցը՝ «կարմիր գոտիների» պարտադրումը պետք է կատարվեր ազգային իշխանությունների՞, թե՞ Լոմբարդիայի մարզային իշխանությունների կողմից: