Սպասուհուն 8 ժամ հարցաքննել են

Արժույթի միջազգային հիմնադրամի նախկին նախագահ Դոմինիկ Սթրոս Կանին բռնաբարության մեջ մեղադրող` Նյու Յորքի Sofitel հյուրանոցի սպասուհու փաստաբանը հայտարարել է, որ Մանհեթենի դատախազության ներկայացուցիչները 8 ժամ հարցաքննել են իր պաշտպանյալին. տեղեկացնում է «Ազատություն» ռադիոկայանի ռուսաստանյան ծառայությունը:

Նրա խոսքերով` հարցաքննության հիմնական թեման Սթրոս Կանի ձերբակալությունից հետո Նաֆիսաթու Դիալոյի եւ նրա` բանտում գտնվող ընկերոջ միջեւ տեղի ունեցած երկու խոսակցություններն են: Սա Դիալոյի առաջին հանդիպումն է դատական մարմինների ներկայացուցիչների հետ այն բանից հետո, երբ հուլիսի վերջին հայտարարվեց, որ հետաքննությունը կասկածներ ունի նրա ցուցմունքների ճշմարտացիության կապակցությամբ:

Գործով հերթական դատական լսումը տեղի է ունենալու օգոստոսի 23-ին: ԱՄՀ նախկին ղեկավարը հերքում է իրեն ներկայացված մեղադրանքները: