ԱՄՆ-ի ազգային պարտքը հասել է ռեկորդային բարձր ցուցանիշի՝ 26 տրիլիոն դոլարի

ԱՄՆ-ի դաշնային կառավարության պարտքը վարկատուներին առաջին անգամ երկրի պատմության մեջ գերազանցել է 26 տրիլիոն դոլարը, ինչը պայմանավորված է COVID-19 համաճարակի հետևանքները հաղթահարելու շարունակական ջանքերով. այս մասին հայտնում է CBS- ը՝ վկայակոչելով ԱՄՆ ֆիննախի տվյալները:

«Կառավարության պարտքը գերազանցել է 26 տրիլիոն դոլարը: Մայիսի 5-ից այն ավելացել է 1 տրլն դոլարով: Ապրիլի 7-ին այն 24 տրիլիոն դոլար էր։ Այն պահից, երբ Դոնալդ Թրամփը ղեկավարեց Սպիտակ տունը, պետական պարտքը աճել է 6 տրիլիոն դոլարով», - ընդգծել է հեռուստաընկերությունը. հայտնում է ՏԱՍՍ-ը:

«Ֆինանսների նախարարությունը նշում է, որ պետական պարտքի աճը պայմանավորված է COVID-19 համաճարակային հակազդեցության ծրագրի և համաճարակի հետ կապված հարկերի հետաձգման համար միջոցների բաշխմամբ», - հավելել է CBS- ը:

Ավելի վաղ The Washington Post- ը նշել էր, որ համաճարակի պատճառով ամերիկյան կորպորացիաների պետական պարտքն 2020 թ.-ին կբարձրանա: Պարբերականի կողմից արված կանխատեսումների համաձայն, այս տարի դաշնային բյուջեի ծախսերը 4 տրիլիոն դոլարով կգերազանցեն եկամուտները: