Իդլիբում կատաղի մարտ է տեղի ունեցել. սպանվել է ավելի քան 30 ահաբեկիչ

Սիրիայի Իդլիբ շրջանի ապաէսկալացիոն գոտում «Ջաբհաթ ալ-Նուսրա» խմբավորման զինյալները հարձակվել են Սիրիայի բանակի դիրքերի վրա՝ Տանջարա բնակավայրում. այս մասին հայտարարել է Սիրիայի պատերազմող կողմերի հաշտեցման ռուսական կենտրոնի ղեկավար ծովակալ Ալեքսանդր Շերբիցկին. հայտնում է «Ռեգնում»-ը։

Զինյալները, ծանր զենքի և խոշոր տրամաչափի գնդացիրներով պիկապների օգնությամբ, 600 մետր խորությամբ ներխուժել են սիրիական զորքերի դիրքեր:

«Հարձակումը հետ է մղվել ավիացիայի և հրետանու պատասխան կրակից հետո: Կառավարական ուժերը վերականգնել են դիրքերը պաշտպանության առաջնագծում», - նշել է ծովակալը:

Ոչնչացվել է ծանր զենքով երեք պիկապ, ավելի քան 30 զինյալ սպանվել:

Բացի այդ, ըստ Շերբիցկիի, անցած օրվա ընթացքում «Ջաբհաթ ալ-Նուսրա» խմբավորման զինյալները, կրակել են Հալեպի նահանգի գյուղերից մեկի վրա: Թուրքիայի կողմից վերահսկվող ապօրինի զինված խմբավորումների դիրքերից հրետակոծություններ չեն արձանագրվել: