Հունաստանում կորոնավիրուսակիրների թիվն ավելացել է՝ կարանտինի թուլացման ֆոնին

Հունաստանում կորոնավիրուսով վարակվածների թիվն ավելացել է՝ հինգշաբթի օրվանից մինչև երկուշաբթի կորոնավիրուսով վարակման 97 նոր դեպք է գրանցվել. այս մասին գրում է Ekathimerini-ն:

Մասնավորապես, վերջին օրվա ընթացքում 58 դեպք է  հայտնաբերվել, ինչը ռեկորդային թիվ է Հունաստանի համար՝ ապրիլի 23-ից ի վեր: Կորոնավիրուսով վարակվածների 97 անձանցից 30-ն այլ երկրից ժամանած քաղաքացի է:

Հիշեցնենք՝  կորոնավիրուսային համավարակի սկզբից Հունաստանում գրանցվել է կորոնավիրուսով վարակման 3049 դեպք և մահվան 182 դեպք: Երկրի կառավարությունն սկսել է կրկին հրապարակել հիվանդների թվերը, ինչը դադարել էր անել այն պահից սկսած, երբ օրական ընդամենը 5 հիվանդ էր հայտնաբերվում:

Ավելի վաղ հայտնել էինք՝ հունիսի 1-ից  Հունաստանոմ թուլացրել են կարանտինը. մասնավորապես բացվել են հյուրանոցները, ամառային կինոթատրոնները, լողավազանները, ամուսնական գործակալությունները և մերսման սրահները։