ԱՄՆ-ում վերջին հրաժեշտն են տվել աֆրոամերիկացի Ջորջ Ֆլոյդին

Մինեապոլիսում հրաժեշտի արարողություն է անցկացվել ոստիկանների կողմից սպանված աֆրոամերիկացի Ջորջ Ֆլոյդի համար. այս մասին հայտնում է Deutsche Welle-ն, նշելով՝ արարողությանը ներկա են եղել Ֆլոյդի ընտանիքի անդամները և մի շարք հայտնի մարդիկ:

Մանրամասնվում է՝ հրաժեշտի արարողության մասնակցելու են եկել Մինեսոտայի նահանգապետ Թիմ Ուոլզը, Մինեսոտայի սենատորը և Դեմոկրատական կուսակցության նախագահական ընտրությունների նախկին թեկնածու Էմի Կլոբուշարը:

Ներկաները հարգել են Ֆլոյդի հիշատակը 8 րոպե 46 վայրկյան տևած լռությամբ, քանի որ հենց այդքան ժամանակ է ոստիկանն իր ծնկով սեղմել տղամարդու պարանոցը:

ԶԼՄ-ի հաղորդմամբ՝ մարդիկ կկարողանան հրաժեշտ տալ Ֆլոյդին նաև Հյուսիսային Կարոլինայում՝ Ֆլոյդի համար հայրենի քաղաքում, ինչպես նաև Տեխասում, որտեղ նա կհուղարկավորվի:

Տեսանյութը՝ ստորև.