Վրաստանում ռեստորանների և առևտրի կենտրոնների աշխատանքը վերականգնվում է

Այսօրվանից Վրաստանի տարածքում աշխատանքն են վերսկսում խոշոր առևտրի կենտրոնները, մոլերը, ռեստորանները. այս մասին գրում է ՏԱՍՍ-ը,  նշելով՝ խոսքն այն ռեստորանների մասին է, որոնք ունեն հաճախորդներին բացօթյա սպսարկելու հնարավորություն։ Այս մասին հայտարարել է վարչապետ Գեորգի Գախարիան։ 

Նշվում է՝ երեկ Վրաստանի առողջապահության նախարարությունում մշակվել են ցուցումներ այն մասին, թե ինչպես սպասարկել հաճախորդներին։ Այսպիսով՝ ռեստորաններում 1 սեղանի շուրջ կարող է նստել 6 հոգուց ոչ ավելի։ Հյուրերը պետք է հասանելիություն ունենան ախտահանիչ միջոցներին։ Խորհուրդ է տրվում հաճախ փոխել սփռոցները կամ օգտագործել մեկանգամյա օգտագործման սփռոցներ։

Հիշեցնենք՝ ընդհանուր առմամբ երկրում կորոնավիրուս է հաստատվել է 783 մարդու մոտ, մահացել է 12 մարդ։