Հայ գործարարը վաճառել է Մոսկվայում իր ռեստորանների ցանցը

Մոսկվայի «Սկոլկովո» կառավարման դպրոցի շրջանավարտների խորհրդի նախագահ Գոռ Նահապետյանը վաճառել է իր բաժնեմասը «Рисонт» ռեստորանային հոլդինգում, որին, մասնավորապես, պատկանում է «Этаж» ռեստորանների ցանցը: Այդ մասին հայտնի է դարձել  РБК-ին:

 «Рисонт»-ը, ըստ Նահապետյանի, վաճառվել է մոտ կես տարի առաջ նույն ցանցի համահիմնադիր Անդրանիկ Սարգսյանին:

Ցանցը վնասով է աշխատել` 2006-ին հիմնադրումից  ի վեր:  2012-ին ցանցն ունեցել է 2,5 մլն ԱՄՆ դոլարի եկամուտ, սակայն զուտ վնասը կազմել է 297 հազար դոլար: Նահապետյանը, սակայն,  պնդում է, որ 2014-ին հոլդինգը պետք է շահույթ ապահովի, իսկ ինքը շարունակելու է զբաղվել առանձին ռեստորանային բիզնեսով: