Daily.afisha-ն` հայկական ռեստորանների, Գառնու գաթայի և «ԳՈւՄ»-ի մասին

Երևան մեկնելը նման է տատիկի մոտ գյուղ գնալուն: Տատիկի, որը լավ գլուխ է հանում տոլմայից, խաշից, քյաբաբից և հարիսայից. գրում է daily.afisha.ru-ն` անդրադառնալով հայկական հարուստ խոհանոցին:

Հոդվածում անդրադարձ է կատարվում հայկական մի քանի ռեստորանների` «Լավաշ»-ին, «Պանդոկ Երևան»-ին, «Շերեփ»-ին,  Seasons-ին և այնտեղ մատուցվող համեղ ճաշատեսակներին:

Ուշադրություից չի վրիպել նաև կենտրոնական  շուկան` «ԳՈւՄ»-ը, որտեղ կարելի է գնել «պանիրների տեսականի,  չրեղեն, բաստուրմա և շատ այլ մթերքներ:

Կայքի լրագրողները պատմում են նաև Գառնու գաթայի մասին, որը «ինչ էլ որ խոսեն, ամենահամեղ գաթան է»:

Հոդվածում անդրադարձ է կատարվում նաև Սարյան փողոցում գտնվող գինու բարերին: