Ո՞րն է COVID-19-ից մահացության ամենաբարձր ցուցանիշով երկիրը. ՄԱԿ-ը հայտնել է

Կորոնավիրուսից մահացության ամենաբարձր ցուցանիշը դիտվում է Եմենում. այս մասին հայտնել է ՄԱԿ-ի գլխավոր քարտուղար Անտոնիու Գուտերեշը, նշելով՝ չկա վիրուսից առավել տուժած երկիր, քան Եմենն է։

«Ադենում COVID-19-ից աշխարհում մահացության ամենաբարձր մակարդակն է, հիվանդների 70 տոկոսը մահանում է»,-ասել է Գուտերեշը մամուլի ասուլիսի ժամանակ ու հույս հայտնել՝ միջազգային հանրությունը ֆինանսական աջակցություն կցուցաբերի եմենցիներին։

Հիշեցնենք՝ ըստ վերջին տվյալների՝ երկրում մահացությունը կազմում է մոտ 17 տոկոս. ապրիլին արաբական կոալիցիան հայտարարել էր կորոնավիրուսի տարածման պատճառով Եմենում ռազմական օպերացիայի դադարեցման մասին։