ՌԴ Տիվայի հանրապետության ղեկավարը վարակվել է կորոնավիրուսով

ՌԴ Տիվայի հանրապետության ղեկավար Շոլբան Կարա-օլը հայտնել է լուրջ «վարակի» պատճառով իր հոսպիտալացման մասին. այս մասին նա նշել է ВКонтакте-ում տեղադրած տեսաուղերձում։

Ավելի ուշ նրա մամուլի քարտուղարը հստակեցրել է, որ ղեկավարը վարակվել է COVID-19-ով։

Բացի Կարա-օլից հոսպիտալացվել են ևս մի քանի պաշտոնյաներ։

«Կփորձեմ հեռահար ղեկավարել։ Մենք կանցնենք այս փորձությունը, ամեն ինչ լավ կլինի»,-ասել է հանրապետության ղեկավարը, իսկ նրա մամուլի քարտուղար Դոլանա Սալչակը հայտնել է, որ ղեկավարը գտնվում է բժիշկների հսողության տակ, նրա ինքնազգացողությունը նորմալ է։ Տիվայի ղեկավարի պարտականությունները կկատարի նրա առաջին տեղակալ Ալեքսանդր Բրոկերտը։