ՏԵՍԱՆՅՈՒԹ․ «Հայաստանում արտակարգ դրությունը կերկարացվի»․ վարչապետը շրջում է քաղաքում

Հայաստանում արտակարգ դրությունը կերկարացվի՝ ըստ Yerkir.am-ի ասաց ՀՀ վարչապետ Նիկոլ Փաշինյանը Երևանի կենտորնում շրջայցի ու մարդկանց հետ զրուցելու ժամանակ։

Քաղաքացու հարցին՝ եթե աշխատատեղերը բացվել են, բայց տրանսպորտը չի աշխատում, ինչպե՞ս է կարգավորվելու այդ գործընթացը, վարչապետն ասաց. «Դե հիմա ուզում ենք բացել»։

Փաշինյանը նշեց, որ իր ճանաչած մարդկանցից հինգ-վեց հոգի վարակվել են։

«Եթե Աստված չանի մեկը վարակված լինի, բոլորդ կվարակվեք։ Թե՞ դուք էլ եք մտածում, որ սուտ է ու սարքած է»,- ասաց Փաշինյանը՝ մոտենալով քաղաքացիների մի խմբի, որոնք չէին պահպանում սոցիալական հեռավորությունը և չունեին բժշկական դիմակներ։

«Չէ, բարեկամ ունենք Մոսկվայում, արդեն հիվանդացել է։ Հայաստանում չունենք ծանոթ դեռ, որը հիվանդացել է»,- ասաց քաղաքացիներից մեկը և խնդրեց վարչապետին խստացնել արտակարգ դրության ռեժիմը։

«Ուզում ենք խստացնել, որ փողոցում առանց դիմակի թույլ չտրվի դուրս գալ։ Հիմա որ ձեզ դիմակ չունենալու համար տուգանեին, մտքում ինձ հայհոյելու էիք չէ՞»,-հակադարձեց վարչապետը։

Քաղաքացին ասաց, որ իրենք չեն հայհոյի, բայց կլինեն հարյուրավոր քաղաքացիներ, որոնք կհայհոյեն։

Մանրամասն՝ տեսանյութում․