ՏԵՍԱՆՅՈՒԹ․ Եռատոնին փակ կլինեն Եռաբլուրը, Հաղթանակի զբոսայգին․ տոնը՝ համավարակի պայմաններում

Վաղը՝ մայիսի 9-ին, փակ են լինելու և՛ Եռաբլուրը, և՛ Հաղթանակի զբոսայգին՝ ըստ Yerkir.am-ի ասաց ՀՀ պաշտպանության նախարարի տեղակալ Գաբրիել Բալայանը մամուլի ասուլիսում։

«Բացառապես տեղի են ունենալու արարողակարգային միջոցառումներ․ 10։30-11։00 տեղի կունենա իշխանության բարձրագույն ներկայացուցիչների այցը Հաղթանակի զբոսայգի՝ Մայր Հայաստան հուշահամալիրի մոտ ծաղկեպսակներ կզետեղվեն, որից հետո Հայրենական մեծ պատերազմի մասնակից վետերանների այց Մայր Հայաստան հուշահամալիր»,-նշեց նա։

Ապա հետևելու է անակնկալը, որը փոխնախարարը չմանրամասնեց։

Նախատեսվում է համերգ, որին կմասնակցեն ՊՆ նվագախումբը, Արսեն Գրիգորյանը, «Նեմրա» խումբը, Արթուր Գրիգորյանը և այլ կատարողներ։

Եռատոնին ոստիկանության ուժերը կապահովեն հասարակական կարգը և անվտանգությունը։

Փոխոստիկանապետ Հայկ Մհրյանն ասաց, որ այսօր 20։00-ից ոստիկանության ստորաբաժանումները կշրջափակեն Մոնումենտի անմար կրակը։

Կանոնները խախտողները կտուգանվեն նվազագուն աշխատավարձի 100-200-ապատիկի չափով։

Մանրամասն՝ տեսանյութում․