Սահմանափակումների վերացումը Բուլղարիայում կսկսվի մայիսի 4-ից. վարչապետ

Բուլղարիայի վարչապետ Բոյկո Բորիսովն հայտարարել է՝ երկրում արտակարգ դրությունը վերացնելու մասին օրինագիծը պատրաստվելու է երկուշաբթի՝ մայիսի 4-ին. այս մասին տեղեկացնում է Sofia Globe-ը, հայտնում է Yerkir.am-ը։ 

Վարչապետի խոսքով՝ սահմանափակումների վերացումը Բուլղարիայում կսկսվի մայիսի 4-ից. այդպիսով երկուշաբթի օրվանից կթույլատրվեն բացօթյա մարզումները և լողավազանների այցերը:

Բացի այդ, վերականգնվում է վարորդական դպրոցների աշխատանքը՝ պայմանով, որ դասավանդողն ու ուսանողն անձնական պաշտպանիչ սարքավորումներ կօգտագործեն, ինչպես նաև մեքենաները կախտահանվեն: Բորիսովի խոսքով՝ անհրաժեշտ ստուգումներն իրականացնելուց հետո կաշխատեն նաև ռեստորանների բացօթյա սրահները:

Հիշեցնենք՝ ավելի վաղ երկրում նոր տիպի կորոնավիրուսի համավարակի պատճառով արտակարգ իրավիճակ է մտցվել: