Covid-19-ը կորցնում է ակտիվությունը միայն 92 °C-ում. bioRxiv

Որպեսզի Covid-19 կորոնավիրուսը կորցնի ակտիվությունը, միջավայրի ջերմաստիճանը պետք է լինի 92 °C-ից ոչ պակաս, ընդ որում` այդ ռեժիմը պետք է պահպանել ամենաքիչը 15 րոպե: Այս մասին հայտնել են Ֆրանսիայի Էքս-Մարսել համալսարանի մասնագետները. տեղեկացնում է yerkir.am-ը` bioRxiv կայքին հղումով:

Նրանք մի շարք փորձեր են իրականացրել` տաքացնելով կորոնավիրուսի շտամի նմուշները  տարբեր ջրմաստիճանային ռեժիմներում և երկու միջավայրում ` ստերիլ ու իրական կենսանյութի`  «կեղտոտ»: Պարզվել է, որ մինչև 56 °C-ում 30 րոպե և 60 °C-ում 60 րոպե տաքացնելիս կորոնավիրուսը պահպանում է բազմացման կարողությունը: Ընդ որում` մաքուր  ու «կեղտոտ» միջավայրերում նույն արդյունքներն են եղել:

«Միայն 92 °C-ում 15 րոպե տաքացնելը ամբողջությամբ ապաակտիվացրել է վիրուս»,- հայտնում են ֆրանսիացի հետազոտողները: