Վրաստանում կորոնավիրուս է հայտնաբերվել Հայաստանից ժամանած բեռնատարի վարորդի մոտ

Վրաստանի Իմերեթի մարզի Զեստափոն քաղաքում 29-ամյա տղամարդու մոտ կորոնավիրուս է հայտնաբերվել: Այս մասին լրագրողներին հայտնել է Իմերեթի շրջանի նահանգապետ Զվիադ Շալամբերիձեն, հաղորդում է Новости-Грузия-ն։

Կորոնավիրուսով վարակված երիտասարդ տղամարդը նախօրեին՝ գիշերը, Քութայիսիի հիվանդանոց է տեղափոխվել Զեստաֆոնիի հիվանդանոցից։ Նրա առողջական վիճակը բժիշկները գնահատում են կայուն։ Բեռնատարի վարորդը Հայաստանից Վրաստան է եկել եւ ինքնամեկուսացման մեջ է։

«Մոնիթորինգ է իրականացվում բոլոր վարորդների համար, որոնք մուտք են գործում երկիր և դուրս են գալիս, նրանք բոլորը գտնվում են հաշվառման մեջ, և մենք վերահսկում ենք նրանց ինքնամեկուսացման պայմանները: Այդ մարդը ևս գտնվել է ինքնամեկուսացման մեջ, երբ ինքնազգացողությունը վատացել է, որից հետո վերջինս դիմել է բուժկենտրոն, որտեղ էլ նրա մոտ COVID-19-ն է հայտնաբերվել»,- ասել է Շալամբերիձեն:

Մարզպետի խոսքով ՝ վարակակրի շբման շրջանակը հայտնի է, եւ այդ մարդիկ ինքնամեկուսացման մեջ են։

Վրաստանում կորոնավիրուսով վարակման հայտնաբերված դեպքերի թիվը մայիսի 20-ի դրությամբ հասել է 713-ի: Բուժվածների թիվը կազմում է 475 մարդ, 12 հիվանդ մահացել է։ Կարանտինում գտնվում է 3 519 մարդ, իսկ հիվանդանոցներում՝ 351։