Թուրքիան և Ադրբեջանը դիմել են UNESCO-ին` հայկական դուդուկը որպես բազմազգ մշակութային ժառանգություն գրանցելու համար

Թուրքիայի Մշակույթի նախարարությունը տեղեկացնում է, որ UNESCO-ին 4 հայտ են ներկայացրել: Ըստ հայտերից մեկի, որը ներկայացվել է Ադրբեջանի հետ միասին, առաջարկվում է հայկական ազգային հնագույն փողային գործիքներից մեկը` դուդուկը ներառել ոչ նյութական մշակութային ժառանգության ցանկում։

«Մեյ/բալաբանի արվեստն ու օգտագործման արվեստը» անունը կրող հայտում առաջարկվում է դուդուկը, որը թուրքերենում և ադրբեջաներենում բացի düdük ձևից անվանվում է մեյ կամ բալաբան, ցանկում ներառել որպես բազմազգ մշակութային ժառանգության արժեք:

Թուրքիան Ադրբեջանի հետ մեկտեղ առաջարկել է նաև նույն ձևակերպմամբ ներառել նաև թեյի արվեստը` «Թեյի արվեստ. Ինքնության, հյուրասիրության և սոցիալական ազդեցության խորհրդանիշ» անվամբ։