Միայն մեկուսացման միջոցառումները բավարար չեն կորոնավիրուսը կանխարգելելու համար. ԱՀԿ

Առողջապահության Համաշխարհային Կազմակերպության ղեկավար Թեդրոս Ադհանոմ Հեբրեյեսուսը հանդես է եկել հայտարարությամբ՝ մասնավորապես շեշտելով, որ կորոնավիրուսի դեմ պայքարելու համար կառավարությունների գործադրած «մեկուսացման» միջոցները միայն ինքնուրույն ի վիճակի չեն պայքարելու կորոնավիրուսի դեմ. հայտնում է Yerkir.am-ը՝ ԱՀԿ-ին հղումով։

Նշենք՝ նման հայտարարությամբ Հեբրեյեսուսը հանդես է եկել մարտի 25-ին ԱՀԿ մամուլի ամենօրյա ճեպազրույցի ժամանակ։

Նա, մասնավորապես, բացատրել է.

«COVID-19 կորոնավիրուսի տարածումը դանդաղեցնելու համար շատ երկրներ ներդրել են «արգելափակման» (մեկուսացման) միջոցառումներ: Բայց այս միջոցներն ինքնուրույն չեն կանխելու համաճարակները: Մենք կոչ ենք անում բոլոր երկրներին օգտագործել այս ժամանակահատվածը`կորոնավիրուսի դեմ պայքարելու ու դրա վրա «հարձակվելու» համար: Այսպես, երկրները ստեղծել են հնարավորությունների երկրորդ պատուհան:

Գտնելու, մեկուսացնելու, փորձարկելու, բուժելու և ախտահանելու ագրեսիվ միջոցները ոչ միայն լավագույն և ամենաարագ միջոցն են ծայրահեղ սոցիալական և տնտեսական սահմանափակումներից խուսափելու համար, այլև դրանց կանխարգելման համար: Սա հատկապես վերաբերում է խոցելի առողջապահական համակարգ ունեցող շատ երկրների:

Չնայած մենք հատկապես անհանգստացած ենք խոցելի երկրներով, բայց բոլոր երկրներն ունեն խոցելի բնակչություն, ներառյալ տարեցները: Նրանք կրում են մեր հասարակությունների հավաքական խոհեմությունը, և մենք պետք է միասին աշխատենք, որպեսզի պաշտպանենք նրանց կորոնավիրուսից և ապահովենք նրանց կարիքները»։

Առավել մանրամասն՝ տեսանյութում.