1 օրում 595 նոր կորոնավիրուսակիր. COVID19-ը գրոհում է Իրանը

Իրանի պետական հեռուստատեսության տվյալներով՝ երկրում մեկ օրում կորոնավիրուսի հաստատման 595 նոր դեպք է ի հայտ եկել. հայտնում է Yerkir.am-ը՝ The Guardian-ին հղումով:

Նշվում է՝ նոր հայտնաբերված դեպքերից 43-ը մահվամբ են ավարտվել:

Այս պահի դրությամբ՝ իսլամական երկում 7161 վարակակիր կա, որից՝ 237-ը մահվան դեպքեր են, իսկ առողջացածներին քանակը 2394-ն է:

Yerkir.am-ն ավելի վաղ տեղեկացրել էր, որ չինական Ուհան քաղաքում բռնկված ու ողջ աշխարհում տարածում գտնող անհայտ տիպի կորոնավիրուսով վարակվածների թիվն օր օրի աճում է։ Կորոնավիրուսի բռնկման մասին չինական իշխանությունները ԱՀԿ-ին տեղյակ էին պահել  դեռևս դեկտեմբերին:

Մարտի 9-ի ժամը 09.03-ի դրությամբ ողջ աշխարհում հաստատվել է կորոնավիրուսով վարակման 110.041 դեպք, որից 3825-ը՝ մահվան, և 61.982-ը՝ առողջացման:

Հիշեցնենք՝ Եվրոպայում ավելի քան 9000 հայտաբերված վարակակիր կա, որից 2/3-ը բաժին է ընկնում Իտալիային, վարակման ավելի քան 700-ական դեպքեր են գրանցվել Ֆրանսիայում և Գերմանիայում։ Առաջին անգամ կորոնավիրուս է հայտնաբերվել նաև Մոլդովայում։

Հայաստանում այս պահին կորոնավիրուսի հաստատված 1 դեպք կա: Տղամարդը Երևան էր ժամանել Թեհրանից: Այս պահին նա և օդանավում եղած մնացյալ 30 անձինք գտնվում են կարանտինում՝ Ծաղկաձորի «Գոլդեն Փելիս» հյուրանոցային համալիրում: Նրանք իրենց լավ են զգում: